Fifteen Project | Leftovers & Behind The Scenes 1

السلام عليكم ورحمة الله وبركاته.. هالتدوينه كانت المفترض تنزل مباشرة بعد بروجكت الخمسين صورة.. بس مو عارفة ليه تأخرت يمكن عشان دروس التعديل.. المهم قررت تكون التدوينه على جزئين.. نظرا للأسلئلة الكثيرة عن ” كيف صورتي هالصورة ” – ” ايش الخلفية ” – “ايش الاضاءة ” فحبيت انزل معلومات بسيطة عن كيفية تصويري الصور وايش الخلفيات اللي استخدمتها + انزل الصور اللي ما انعرضت. بسم الله ابدأ:

LeftOvers  : اضغط للتكبير .

——— والباقي في الجزء الثاني :]

بالنسبة للإضاءة :

ما استخدمت شي غير إضاءة الشمس على وقت أول العصر كذا.. يعني لمن تخف شمس الظهر ويصير النور متوازن.. او أول الصبح تقريبا.. يا اما اني اطلع الحوش او افتح شباك غرفتي مع نور الغرفة العادي واصور. وما استخدمت لا فلاش الكاميرا ولا اي فلاش خارجي،، فقط اضاءة الشمس بالوقتين اللي قلتهم.. اهم شي تكون في مكان متوزع فيه النور بشكل متساوي عشان ما يصير في الصورة مناطق تعريض كبيرة ممكن تشوه الصورة.

بالنسبة للخامات والخلفيات :

43 – 50 – 45 وغيرهم استخدمت في الخلفيات ورق كراسة ملون هذا النوع

27 – 9 كانت الخلفية كرتون.. كرتون عادي تبع البيتزا او السفن و و و .

1 الخلفية ورق تغليف من لايف ستايلز اللي في سنتر بوينت.

15 – هنا الخلفية عشب.. عادي عشب عندنا بالحوش لكن عزلته وعدلت الالوان بالفوتو :]

* ما استخدمت ترايبود فـ ولا صورة :] مع انه عندي بس ما ادري ليه ما استخدمه ! ويمكن كان بيريحني كثير بدل ماتتعب يدي! كل الصور تقريبا في بيتنا وجوا غرفتي او بالحوش ماعدا صورة وحدة يمكن ! وكنت من جد اتمنى اجرب التصوير في الخارج واجرب اروح اماكن واصور صور ماتعودت اصورها لكن ما قدرت . حبيت اركز ع العناصر اللي عندي واستخدمها في ابراز فكرة ما تدور في رأسي. الجزء الثاني من التدوينة بإذن الله راح اخصصه لكم درس عن تعديل الالوان في الفوتوشوب.