how to make it 1

/
مرحبا جميعا .. لي تقريبا 5 شهور ما عملت ولا كولاج ولا مسكت أغراض الكولاج ولااا شي ..آخر مره سويت كولاج كان على بداية رمضان كان الكولاج بطاقة مباركة بالشهر مقدمة من جمعية الثقافة و الفنون ..واليوم عشان بكرا دوام حسيت إني حنيت للكولاج ..

فعشان كذا حبيت احط بالبلوق خطوات كولاج عملته بالصيف يمكن اتشجع وأسوي ،

و عشان اللي حاب ياخذ فكرة يتعلم ويستفيد ..وبرضو حلو تشوف كواليس عمل ../أول حاجة احتجت لـ :

مقص ، صمغ ، قلم رصاص ، قلم اسود حبر ( انا استخدمت قلم رمادي )ألوان خشبية ، ورق جرايد ،

ورق كراسة سادة أو ورق فيه رسمات او نقشات خفيفة/

خامة للتزين من الاطراف ( اخترت هنا كاروهات وهو عبارة عن “طور” قماش ) ..

اول شي أخذت ورق الكراسة واخترت لون فاتح – سادة

وخليته هو الـ backgroundوبعدين قصيت من القماش الكاروهات بشكل طولي لتزيين الحواف ..

بهالشكل :

/بعد اللصق والتثبيت ، نبدا نزين جوا الكولاج ..اخترت هنا أني ألون على ورق الجرايد ،قصيت شكل قلب زي هنا

واخترت اللون الاحمر لتلوين القلب /

،

بعد كذا نرسم الغيوم بنفس الطريقة ..ونلونها باللون الازرق بنفس الطريقة بعد القص ،

واللي يحب يلون قبل القص مو مشكلة برضو ..

/

نثبت مكان القلب في السماء ونرسم خيط طويل لـحد يد الشخصية اللي حابين نرسمها .

طبعا كل شخص يرسم بنته على كيفه

ملابس البنت ( ورق كورشيه ذهبي وأسود )وشعرها صوف وهنا اكتمل شكل البنت ،

واكتملت العناصر الأساسية للكولاج ..بقى الرتوشاضفت ورود وفراشة ..حوالين البنت حتى

تعطي منظر جمالي ولطيف وكيوت ..طبعا العشب الأخضر قطع تكون جاهزة وبألوان متعددة ..من أي مكتبة ..وهذا العمل النهائي :

//

الأغراض جدا بسيطة متوفرة في أي بيت ../
1- ادعوا لي أمي توافق نبني غرفة بالسطح عشان ورشتي للكولاج
2- كـ متذوقين – هاوين او حتى محترفين أيهم تشوفوني افضل فيه ؟ الكولاج أو التصوير ؟
أحتاج رأيكم بشدة ..