عيد يستحق أن تتذكره..

جاء العيد زي مايجي كل سنة.. ولسبب ما .. كنا نحب نستجلب الحزن.. ونتذكر اللي راحو باختيارهم.. بس مو بعد اليوم.. مو الحين ولا بعدين خلاص.. العيد هدية من الله.. نرفضها ليه ؟ العيد فرحة واستشعار الفرحة فيه طاعة وعبادة راقية.. انا نتقصد نعاقب انفسنا ونحزن في العيد بحكم اننا كبرنا – بحكم ان العيد مو زي أول – بحكم ان فيه ناس راحوا عنا .. هذا بطريقة أو بأخرى رفض للفرحة الربانية.. رفض للبساطة في مفهوم الفرح.. اللي راح راح أعاقب نفسي على اختياراتهم ليه ؟ هذا ظلم لأنفسنا : ).. العيد مو زي أول ؟ عادي خليه عيد مميز زي اليوم أو زي أمس أو زي بكرا مو مشكلة الأهم إنت اصنع عيدك.. اخترع لك طقوس.. سوي شيء غير اعتيادي بكل عيد وحس بالفرحة..اننا نتذكر اللي ماتوا مايمنع اننا نفرح ونتمنى لهم عيد أجمل بالجنة واحنا وراهم. كبرنا ؟ وليه مانكبر ؟ نكبر والفرحة تكبر.. نهدي أنفسنا وناخذ عيادي.. نعيد كل أحبابنا ونوزع الفرحة.. كل الأشياء كلها هي على حسب وجهة نظرنا لها.. والعيد من ضمنها.. العيد حسب ما تشوفه أنت.. بيكون.. حس الفرحة.. دورها.. اصنعها . اخترعها.. لاحقها .. وتقرب بها لله.

قرر يكون هالعيد زي مايبيه ربي منا.. نفرح فيه. نشيع الفرح ويكون مظهر للمسلمين بعد شهر صيام وقيام.. هالمعاني مو سهلة أبدا لو استشعرناها.. لو حسينا فيها إنها هدية صعبة تنرفض والله. تصور دائما انو رمضان كان أول رمضان لك تصومه .. وتصور كيف تنتظر العيد.. تصور أول مافرض الصيام وبعدها أكرم ربي عباده بالعيد.. تقدرون بس تعيشون مع الرسول والصحابة فرحتهم.. تتصورون كيف كانت شوارع المدينة ؟ حتى اني اتخيل النخيل وأتخيل الأطفال يركضون.. وأتخيل كيف الناس ع باب بيت الرسول والمسجد.. أتخيل كان الجو استثنائي لأنه عيد وفرصة لنشر الفرحة والتقليل من عنصر الدراما في حياتنا..

امسكوا كاميراتكم وخلو هالعيد هو اول عيد تتذكرونه بالفرح في كل سنوات حياتكم .. صوروا كل لحظة.. كل ابتسامة لطفل.. كل فنجان قهوة يتقدم للضيف.. خلّدوا الفرح .. محتاجينه،. خلّدوا التجمع محتاجين صور جماعية مافيها فرقة.. خلدوا الزينة خلدوا مكان العيد وجو العيد.. خلدوا كل الشعور في الأوجه والنظرات وتفرجوا عليه بعد كم شهر.. انفخوا بالونات. وزعوا ورود.. علقوا علي أبواب غرفكم أو أبوب بيوتكم عيديات وتباريك ودعوات .. فاجئوا أحابكم بهدايا بسيطة أو كبيرة .. فاجئوا قلوبكم بأطنان مغفرة لكل اللي أخطئوا في حقكم.. ارسلوا للسماء امنياتكم الجميلة.. أودعوا الفرحة في صندوق العيد ومرروه ع الحضور.. خلي هالسنة عيدك يستحق منك إنك تتذكره.. عيد يستحق إنك تخلّده..

أتمنى لكم جميعا عيد جميل خالد.. نتذاكره في الجنة : )

r5

16 thoughts on “عيد يستحق أن تتذكره..

  1. نوال ♥
    كلامك لاغبار عليه!
    دايم أقعد أقوله بس محد يسمعك خوالي يصيرون على الوضع -___-
    عالعموم كل عام وأنتي بخير
    وكل عيد وإنتي بجوار أحبابك♥

    Reply

  2. 😡 :yy: r5 :love :v: :h: :t3i: :hala :] :]
    كل عام وانت بصحه وسلامه وفرحه !
    :da
    كل عام وانت الطهر
    وأنت الأسمى

    كل عام وانا احبك :5g

    Reply

  3. صدقت في حديثك .. العيد نعمة من الله .. هبه لنا .. فيه نفرح .. نشحذ أرواحنا ونغذيها بالكم الإيجابي من الطاقة اللي حوالينا في أهلنا وأحبابنا ..
    الحمدلله قضيته بوعي تام وكامل في استشعار الفرح والسعادة في الجو وفي عيون الأطفال والجميع .. كم يسوى حضن جدي .. وحضن والدي وشوفة اخواني وخواتي وعيالهم … بجد هالسنة عيدنا غير .. عيد يستحق أن نتذكره بابتسامة جميلة ..

    وكل عام وأنتي بخير وعساج من العايدين والسالمين :h:

    Reply

  4. رائع ..فعلا اناس كثير يستجلبون الهم والفقد في العيد..فتطغى على كل فرح ..أو يتحول اللقاء إلى عتاب … أفكار جميلة تستحق أن تنشر في كل العقول …. شكرا نوال

    Reply

  5. ينعاد عليك يانوال أنتِ وأحبابك بصحة وسلامة 🙂
    استشعر الفرحة في صلاة العيد وبالذاات في مكة r5 ، فعلاً أحس قد ايش الناس يفرحوا ويستنوا هاليوم بفارغ الصبر
    حلويات ، وسلال هدايا ، و عيديات ، صواني معمول .. أو حتى صحن تمر ..
    و الابتسامة اللي ماتفارقهم ..
    هذا كله من أشخاص ما بيننا وبينهم صلة قرابة إلا أننا أخوة في الإسلام =”) :h:

    أحب العيد ، وأعشق التكبيرات في هذا اليوم والأجواء اللي فيه.. r5

    :

    * تعرفي كل رمضان ادخل ادور على تدوينة جديدة منك :]
    نشتاقلك لاتتأخري علينا :take:

    Reply

  6. اي والله عنجد !

    بتذكر انو د.سلمان قال ببرنامج حجر الزاوية بالحلقة يلي قبل العيد نفس الفكرة وقال الغريب انو لما جيت استحضر أبيات الشعر يلي عن العيد كلها فيها ذكر المصايب وتذكر المآسي والذكريات السيئة !
    طيب ليش !
    وبعدين قال شي كتير مهم و نفس فكرتك ..
    قال انو الناس لما يجي العيد وكذا بتتوقع انو رح تشوف مفاجآت و أشياء غير عادية !
    بس هالشي مو صحيح طبعاً !

    العيد بتفاصيله الصغيرة و باللمة الحلوة و بالتجمعات العائلية والمباركات وهالأمور اللطيفة يلي بتحصل و متعلقة بأجواء العيد أساساً ..

    وه نوال … r5 :hug:

    Reply

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *