أكبر مخاوفي بالحياة الـ What IFs ، ماذا لو ؟! وأكبر معيق لاتخاذ أي قرار بالنسبة لي هو الوات اف؟ أتعب من التفكير في الاحتمالات وفي المعطيات، كوني شخص منطقي هذا شيء متعب أحيانا لي، لأني ما اقدر أكون واثقة وأنا متبعة عاطفتي، وبنفس الوقت منطقي يتعب قلبي ! ويبدا التفكير ايش لو سويت كذا وصار كذا، طيب لو تراجعت عن هالخطوة ايش راح اخسر ؟ طيب لو أقدمت عليها ايش اللي بخسر وايش اللي بكسب؟ بجدارة أكبر مخاوفي بالحياة : ماذا لو؟  .. إيش أكبر مخاوفكم ؟

أبريل 2, 2010
أبريل 4, 2010

نوال القصيّر

7 Comments

  1. رد

    سمـــر

    أبريل 7, 2010

    نفس الشيء :he
    أشياء كثيرة تحيرني ، و أطول عندها ، علمًا إنها بعض الأوقات تكون أشياء بسطة و لا تستحق :

    لقطة معبرة ..

  2. رد

    bnttamim

    أبريل 7, 2010

    أكبر مخاوفي الموت !

    كثيير افكر لو جاني الموت هالساعة او بكرا او بعد اسبوعين انا وش قدمت لاخرتي ؟!!

    خايفه كثير من الحياة البرزخيه وش بيكون وضعي فيها !!

    الله يرحمنا وإياك ويجعل أخر اعمالنا خواتيمها وحبايبنا r5

    :lo: الصورة جمييييييلة مايحتاج أقول لك هالشيء :”)

  3. رد

    Muneerah

    أبريل 7, 2010

    وات اف كانت هذي الفرصه هي الأنسب لي وأنا مدري (((
    هذي أكبر مخاوفي الحين :he

    * ايش خلفية الصورة نوال ؟

  4. رد

    chocolaa

    أبريل 7, 2010

    السلام عليكم … :hala

    أول شي الصورة جبااااااااارة ما شاء الله :cam و احلى ما فيها بساطتها…

    بالنسبة للسؤال … ترا مو غلط … it is a valid question

    اممممممممممم … من خلال دراستي يعني … و كبروجت قادم لبروجكت مانجر <<<دراسة الماستر غيرت طريقة تفكيري 🙂

    فسؤالك يسمونه … Risk managment

    بس بتقولين يتعب اقولج صح … يعني لو تبين الطريقة العلمية لأنج تسويين هالشي … لازم تاخذين الشي و تحللينه بهالطريقة …أولاً: لو اقدمت على هالخطوة وش ممكن يصير؟ و جاوبي : أ. ممكن يصير جذي … ب. و ممكن يصير جذي

    ثانياً : خذي أ و ب … و شوفي كم أحتمالية أن ( أ ) يصير … و لو صار شنو الكونسيكونس حقه …
    وبعدين سوي نفس الشي حق (ب) …

    ثالثاً : وازني الأمور بهالطريقة … لو كانت احتمالية حصول ( أ ) كبيرة و نتائجه مدمره أعدلي عن القرار … اما لو كانت أحتمالية حدوث ( أ ) كبيرة و نتائجة ايجابية بشكل كبير فخذي القرار … و على هذا المنوال…

    غير هذا في خطوة غير … يسمونها contingency planning … بس مو واثقة شلون تتطبق في حالة سؤالج 🙂 بس بإختصار هي اتخاذ قرارات احتياطية … يعني لو صار جذي بسوي جذي … أو بسوي جذي عشان ما صار جذي…

    طبعاً المخاطرة شيء جيد و مطلوب في حالات … لأن مثل ما ممكن تؤدي إلى كارثة ممكن تعطي نتائج ايجابية … أما إذا بنتخلى عن اتخاذ اي قرار يجينا من وراه مشاكل او مخاطر… فلنتوقف عن العيش احسن :teeh

    بالنسبة لي أنا مادري ليش ماعندي وات إفز … قلبي r5 و عقلي دايماً مع بعض … و ياما ارتكبت اخطاء لها السبب … بس مو ندمانه :da … و يمكن بعد انا انسانة ما تتفادى عوار القلب بالعكس تروح له برجلها 🙂

    هقهقهقهق أعذري منهجية ردي هالمرة … بس مادري شصاير فيني من بديت ادرس بروجكت مانجمت وانا طول الوقت افكر مثل ما ادرس…

    وبس…

    من وراء المايكرفون … متفلسفة اليوم…شكولا

  5. رد

    aalia-shan

    أبريل 7, 2010

    yup same here, it is always on my mind. But, just think that Allah has written what is best for us all 😉  

  6. رد

    ŃỄήẴ

    أبريل 9, 2010

    تقتلني ماذا لو

    تقتلني جدًا

  7. رد

    فاطمة ،

    مايو 7, 2010

    لأجل هذا كانت (لو ) محذورة شرعاً ، فهي تفتح عمل الشيطان !
    وهو تنبيه جاءنا من الشرع الذي لم يترك شيء ..
    وقال رسول الله : [ اعقلها وتوكل ! ] .. نستخرج من الموقف “عبادة قلبية” عظيمة ذُكر حثها في القرآن والأحاديث بشكل كبير .. التوكل حينما نلجأ إلى الله ونفوض أمرنا كله له ونقحم في أمور حياتنا

    دعوا (لو) وستنعمون وترتاحون يابنات = )

Leave a comment

Related Posts

لمحة

بكل عاديتي وبساطتي وتعقيدي أكتب وأدوّن حتى أنمو أولاً ومن أجل الأثر ثانياً. مدوّنة نوال القصير عمرها طويل فقد ولدت في عام ٢٠٠٦ تعثرت كثيراً وهُجرت أيضاً ولكنها شهدت أعوام من الالتزام بالكتابة. تطوّرت وتراجعت ثم عادت للحياة مرات كثيرة كنبتة جفّت ثم انعشها المطر. أكتب عن الكتب والقراءة، عن كل المفاهيم والقيم التي أعيشها أو أرغب العيش بها ومعها. مدونة للأيام الجيدة والسيئة.

موصى بقراءته