Fifteen Project | Leftovers & Behind The Scenes 1

السلام عليكم ورحمة الله وبركاته.. هالتدوينه كانت المفترض تنزل مباشرة بعد بروجكت الخمسين صورة.. بس مو عارفة ليه تأخرت يمكن عشان دروس التعديل.. المهم قررت تكون التدوينه على جزئين.. نظرا للأسلئلة الكثيرة عن ” كيف صورتي هالصورة ” – ” ايش الخلفية ” – “ايش الاضاءة ” فحبيت انزل معلومات بسيطة عن كيفية تصويري الصور…

Day 50

انا ما أدري شفيني أرتبط بالأشياء و المواقف عاطفيا، الحين ارتبطت بالبروجكت وأحس اني أبي أصيح لأنه اخر صورة خلاص ! ما تتصورون كيف انبسطت وما تتصورون قد ايش انبسطت فيكم ورب الكون، وماحد يتصور كمية المشاعر والاحساس اللي حطيتهم بهالبروجكت، وماحد يتصور قد ايش كانت تفرحني طلتكم وردودكم، أنا ما أعرف بالضبط كيف أشكركم…

Day 49

People are alone because they build walls instead of bridges. مابعمري بنسى هالعبارة! أتذكرها بالضبط قبل 3 سنوات أو أكثر شوي مكتوبة على البورد في محاضرة الدسكريت ، وظلت لمن آخر الكورس مكتوبة محد مسحها. وكل ما دخل القاعة مرتين بالاسبوع أقراها وأحس إني أتألم. كتبتها على النوت حقي وقبل كم يوم كنت أرتب بعض…

Day 48

” شيئاً ما يشبه اليأس يدفعني إلى أن أنام ولا أستيقظ. ” كريه هالشعور ! كريه إنك تلاقي نفسك فجأة على حافة اليأس. * ماهو شعوري حاليا الحمد لله ، لكني عشت على حافة اليأس مدة طويلة. الحياة أجمل لمن يكون عندك يقين.

Day 46

It’s hard to be a woman . وخصوصا بنت سعودية ! انا احب كوني أنثى ، لكن اللي ما احبه واشوفه صعب طريقة تعامل بعض البشر مع الانثى. وصايتهم عليك لأنك بنت، إذن ولي الأمر في ادنى مسائلك الشخصية، كبنت إنتي خطأك غير مغفور بتاتا ، ومشاعرك  غير قابلة للتصريح. لكن كرجل عيبك في جيبك،…

Day 44

متأكدة الفراشة بتلاقي وردة ثانية وجميلة وبيضااااء وبدون أي حواجز ومعوقات بين بعضهم! مو كل شي ما نحصل عليه معناته خسارة أو خيبة، بعض الأحيان وكثييير من الأحيان وجود هالعوائق والحواجز يعتبر نعمة وخيرة : ). بس تأكد انو ما تستسلم على طول.